Tuesday, February 28, 2017

हामी कविता:

Image

परिचय:

धवलागिरी अञ्चलको मुस्ताङ जिल्ला अन्तर्गत पर्ने थांक टुकुचा भन्ने गाउँमा वि.सं. १९९२ पौष १० गतेका दिन पिता हितमान शेरचन र माता पदमकुमारी शेरचनका कान्छा छोराका रुपमा जन्मिएका भुपेन्द्रमान शेरचन नै नेपाली साहित्यमा भूपि शेरचनका नामले चिनिएका व्यक्ति हुन् । बि.ए. सम्मको औपचारिक शिक्षा हाँसिल गरेका भूपि शेरचनका ‘नयाँ झयाउरे’ (गिति कविता संग्रह-२०१०), ‘निर्झर’ (कविता संग्रह- २०१५), ‘घुम्ने मेचमाथी अन्धो मान्छे’ (कविता संग्रह-२०२५), ‘भूपि शेरचनका कविता’ (कविता संग्रह-२०५७) समेत गरी चारवटा कविता संग्रह र एउटा ‘परिवर्तन’ (नाटक-२०१०) समेत प्रकाशित छन् ।

स्वच्छन्दतावादी भावधारामा प्रगतिवादी दृष्टीकोण अपनाएर कविता सिर्जना गर्ने भूपि व्यङ्ग्य र विद्रोहका कवि हुन् । उनी सामाजिक, विकृति, विसङ्गति, कुरीति, अन्धपरम्परा, राजनैतिक तथा आर्थिक क्षेत्रमा देखिएको भ्रष्ट प्रवृतिमाथि व्यङ्ग्यात्मक स्वर पोख्छन् । प्रकृति,समाज र मानवका बीचको तादाम्य सम्बन्ध देखाउने कवि प्रकृतिका विविध पक्षको चित्रण गर्न मन पराउने कवि भूपि राष्ट्रताको भावना पोख्न समेत पछि पर्दैनन् । भूपि विचार र भावनामा देशलाई सदासर्वदा बचाइराख्नु पर्छ भन्दछन् । कविको निधन वि.सं. २०४६ साल जेष्ठ २ गते काठमाडौँमा भएको थियो ।

रुपरेखा पत्रिका २०१९ मा प्रकाशित र ‘घुम्ने मेचमाथी अन्धो मान्छे’ कविता संग्रहमा

Wednesday, February 15, 2017

धोती र टोपीको शान

मधेशीमूलका नेपाली साहित्यकार भवानी भिक्षु (वास्तविक नाम भवानीप्रसाद गुप्ता) को तल प्रस्तुत तस्वीरले पुरानो बहुजातियता बीचको नेपालीहरुको एकता दर्साएको छ । यही त हो नेपालीको शान जुन अझै पनि मरेको छैन । यस्ता शान देशमा मात्र हैन विदेशमा पनि यत्रतत्र छरिएर रहेका छन् तर यस्ता शान हेर्ने हाम्रो सोच कुपोषित छ ।Bhawani Bhikshu
त्यस्तै केही समय अघिको कुरा हो । माध्यमिक शिक्षासमेत पूरा नगरी घरपरिवार