Wednesday, February 15, 2017

धोती र टोपीको शान

मधेशीमूलका नेपाली साहित्यकार भवानी भिक्षु (वास्तविक नाम भवानीप्रसाद गुप्ता) को तल प्रस्तुत तस्वीरले पुरानो बहुजातियता बीचको नेपालीहरुको एकता दर्साएको छ । यही त हो नेपालीको शान जुन अझै पनि मरेको छैन । यस्ता शान देशमा मात्र हैन विदेशमा पनि यत्रतत्र छरिएर रहेका छन् तर यस्ता शान हेर्ने हाम्रो सोच कुपोषित छ ।Bhawani Bhikshu
त्यस्तै केही समय अघिको कुरा हो । माध्यमिक शिक्षासमेत पूरा नगरी घरपरिवार

र समाज छाडेर बाहिरिएको मधेशमूलकै बालसखाले "ती साला मधेशीहरु भएको ठाउँ" भन्दै आफ्नै गाउँघरको परिवेश र समाज प्रति आक्रोश पोख्दै गर्दा उसप्रति आएको राष्ट्रप्रेम र परिवर्तन मैले महशुस गरें । शब्दले 'मधेशी' भने पनि भित्री भावले आफ्ना गाउँ ठाउँमा भएका कुसंस्कार, कुरीति, संकिर्ण सोच जस्ता समस्याहरु इङ्गित गरिरहेको आभाष हुन आउँथ्यो । जातियताका नाममा एक थोपा रगत नबगाएको सुन्दर देश नेपालमा अहिले आएर कुराजनीतिका कारण बाहिर जातिगत विभेद आएपनि भित्र नेपालीहरुमा जातिगत एकता अझै पनि मझबुत नै छ । धोती र टोपीको बहाना खोजी आपसी सद्भाव भड्काउने विचार भन्दा स्कूले जीवनबाट वञ्चित भएर पनि परिवर्तन चाहने र सद्भाव जगाउने  सुविचार पनि नेपालीको शान हो । यही शान नै नेपाली हो जसले विश्व हल्लाउन सक्छ  ।