परिचय:
धवलागिरी अञ्चलको मुस्ताङ जिल्ला अन्तर्गत पर्ने थांक टुकुचा भन्ने गाउँमा वि.सं. १९९२ पौष १० गतेका दिन पिता हितमान शेरचन र माता पदमकुमारी शेरचनका कान्छा छोराका रुपमा जन्मिएका भुपेन्द्रमान शेरचन नै नेपाली साहित्यमा भूपि शेरचनका नामले चिनिएका व्यक्ति हुन् । बि.ए. सम्मको औपचारिक शिक्षा हाँसिल गरेका भूपि शेरचनका ‘नयाँ झयाउरे’ (गिति कविता संग्रह-२०१०), ‘निर्झर’ (कविता संग्रह- २०१५), ‘घुम्ने मेचमाथी अन्धो मान्छे’ (कविता संग्रह-२०२५), ‘भूपि शेरचनका कविता’ (कविता संग्रह-२०५७) समेत गरी चारवटा कविता संग्रह र एउटा ‘परिवर्तन’ (नाटक-२०१०) समेत प्रकाशित छन् ।